OpenAI po planifikon ndërtimin e robotëve humanoidë. Kompania që udhëheq botën e Inteligjencës Artificiale (IA) nuk e ka bërë ende të qartë nëse këto janë diskutime paraprake apo ka një plan të përgatitur.
Nëse kjo realizohet, OpenAI do të hyjë në robotikë dhe do të krijojë robotë me karakteristika të ngjashme me njeriun.
Interesimi në këtë fushë s’është diçka e re sepse që prej krijimit të saj ka pasur një departament robotike që prej formimit, por nuk ka prezantuar ndonjë produkt ose prototip. Departamenti u shpërbë me daljen e modelit GPT-3.
Wojciech Zaremba, bashkëthemeluesi i OpenAI e konfirmoi këtë në një ‘podcast’ tre vite më parë duke cituar pamjaftueshmërinë e të dhënave të trajnimit si arsye kryesore.
Por interesimi i OpenAI është rizgjuar dhe madje ka nisur kërkimet për inxhinierë që t’i bashkohen ekipit.
Veç kësaj, është aktivizuar vazhdimisht në financimet për Figure AI, Microsoft, NVIDIA dhe Intel. Kompania investori edhe në 1X Technologies dhe ndihmoi në integrimin e GPT AI te robotët e tyre. Një tjeetër përfshirje ishte në Physical Intelligence, një ‘start-up’ që ndërton programe që funksionojnë me IA për t’i bërë robotët të kuptojnë dhe veprojnë si njerëzit.
