Shefi i Punëve të Jashtme të BE-së Josep Borrell mbërriti sot në Kiev për të zhvilluar bisedime me udhëheqësit ukrainas – për atë që ka të ngjarë të jetë hera e fundit përpara përfundimit të mandatit të tij.
“Mbështetja e BE-së për Ukrainën ka qenë prioriteti im personal gjatë mandatit tim dhe do të mbetet në krye të agjendës së BE-së”, shkroi Borrell në X.
Ai u prit në stacionin e trenit nga ambasadorja e BE-së në Ukrainë, Katarina Mathernova. Borrell do të takohet sot me presidentin ukrainas Volodymyr Zelensky.
Kjo është vizita e pestë dhe e fundit e Borrell në Kiev që nga fillimi i pushtimit të plotë të Rusisë – në cilësinë e tij si shefi i marrëdhënieve të jashtme të BE-së, ndërsa mandati i tij pesë-vjeçar po i afrohet fundit.
Ish-kryeministrja e Estonisë, Kaja Kallas u emërua për të pasuar Borrell në korrik.
