TIRANË- Akt ekspertimi i prokurorisë së Posacme provon se nga demontimi i municioneve në Gërdec i është shkaktuar dëm buxhetit të shtetit. Sipas SPAK dëmi ka ardhë si pasojë e shmangies së pagesave të tatimeve dhe kostove të transportit të municioneve.
Këtë të mërkurë në gjykatën e posaçme ka përfunduar seanca mdaj sh ministrit të mbrojtjes fatmir Mediu, ndërsa seanca e radhës do tëq mbahet më 9 tetor.
Avokatët e ish ministrit i kërkuan gjykatës që të rrëzohet pjesërisht akt ekspertimi i prokurorisë dhe të ribëhet nga të tjerë ekspertë.
Raportohet se në seancën e sotme nuk është paraqitur vetë ish-ministri, por është përfaqësuar nga avokati i tij Henrik Ligori, i cili ka kundërshtuar aktekspertimin ekonomiko-financiar si edhe përgjigjet e dhëna nga ekspertët në seancën e kaluar.
Avokatët e Mediut kanë kërkuan riekspertim të pjesshëm për llogaritjen e kostos për demontimin në fabrikën e Poliçanit teksa shtuan se procesi i demontimit të municioneve nuk është një proces, i cili kishte nisur dhe mbaruar me Gërdecin.
Gjykata e Posaçme pritet të shprehet në seancën e radhës për këtë kërkesë të bërë nga mbrojta e ish-ministrit.
Ish-ministri i Mbrojtjes, Fatmir Mediu akuzohet nga Prokuroria e Posaçme për veprën penale të “Shpërdorimit të detyrës” dhe Shpërdorim i detyrës” në bashkëpunim me subjekt ushtarak-kuadër komandues.
Nga shpërthimi Gërdecit humbën jetën 26 persona dhe shumë të tjerë u plagosën, ndërsa familjarët vijojnë betejën duke kërkuar drejtësi për atë tragjedi, të cilën ato e cilësojnë si “vrasje shtetërore”.
