Ambasadorja e Zvicrës, Ruth Huber thotë se qytetarët shqiptarë që jetojnë jashtë vendit kanë të drejtë të shprehin vullnetin e tyre politik. Nga Lini i Pogradecit, në një prononcim për mediat, ambasadorja u pyet për votën e diasporës, ndërsa u shpreh se vendimi iu takon partive politike.
“Qeveria demokratike e Shqipërisë është një aspekt i rëndësishme i zhvillimit drejt aksesit në Bashkimin Europian. Gjithashtu për të tërgequr invesitorët që të kenë besim në zbatimin e ligjit, per të qenë atraktive për ta. Zgjedhjet demokratike dhe transparente janë një element shumë i rëndësishem i këtij aspekti.
Ne punojmë me institucione te ndryshme në Shqipëri për te fuqizuar kapacitetet.
Kemi një bashkëpunim afatgjatë më parlamentin, gjithashtu duam të forcojmë këshillat bashkiakë, si dhe kemi nje bashkëpunim me KQZ. Pra qëllimi kryesor është që të fuqizojmë institucionet dhe ti bëjmë gati që të implementojmë proceset transparente.”, u shpreh ajo.
Si mund të zgjidhet ngërçi politik për te përfshirë dhe emigrantët në votim?
Vendimi për votën e emigrantëve është një vendim që duhet marrë nga partitë politike së bashku. Unë mund te them vetëm që ne qytetarët zvicerian kemi të drejtë të votojmë edhe kur jetojmë jashtë dhe kuptoj që kjo është një çështje e rëndësishme për diasporën shqiptare qe është e shumtë.
Ne punojmë gjithashtu në KQZ për ti fuqizuar kapacitete. Por vendimi final për votën e emigrantëve dhe modalitetet duhet të merret nga institucionet shqiptare dhe partitë politike.
