Ministria e Mbrojtjes e Turqisë njoftoi se janë neutralizuar katër terroristë të PKK/YPG-së në rajonet e çliruara me operacionet “Mburoja e Eufratit” dhe “Burimi i Paqes” në Siri, të cilët kishin hapur “zjarr provokues” ndaj ushtarëve.
Sipas njoftimit nga ministria në operacionin e zhvilluar nga ushtarët, janë neutralizuar katër terroristë të PKK/YPG-së.
Autoritetet turke në përgjithësi përdorin fjalën “neutralizim” për të nënkuptuar se terroristët në fjalë janë dorëzuar, vrarë ose janë kapur.
Turqia filloi tri operacione të suksesshme antiterroriste përtej kufirit të saj në veri të Sirisë për të parandaluar formimin e një korridori terrorist dhe për të mundësuar zgjidhjen paqësore nga vendasit: Mburoja e Eufratit (2016), Dega e Ullirit (2018) dhe Burimi i Paqes (2019).
Në fushatën e saj terroriste më shumë se 30-vjeçare kundër Turqisë, PKK, e radhitur si organizatë terroriste nga Turqia, SHBA dhe Bashkimi Evropian, ka qenë përgjegjës për vdekjen e 40.000 personave, përfshirë shumë gra, fëmijë dhe foshnja. YPG është dega siriane e PKK-së.
