Seanca plenare e kësaj të hëne ka nisur në orën 17:00 dhe ka zgjatur më pak se 20 minuta për shkak të tensioneve të krijuara nga ana e deputetëve të opozitës.
Në nisje të seancës, deputetë opozitarë edhe pse nuk kanë qenë të përjashtuar, nuk janë lejuar që të hyjnë në Kuvend duke qenë se ishin me grupin e deputetëve demokratë të cilët u përplasën me Gardën dhe kërkonin që të hynin në seancë.
Pas disa minutash, disa prej tyre kanë mundur që të futen në seancë plenare dhe sapo i janë bashkuar seancës, kanë krijuar tension duke mos lejuar zhvillimin normal të parlamentit, si dhe patën përplasje me Gradën.
Nën thirrjet “turp”, “turp”, ata ju janë drejtuar mazhorancës në këtë seancë, pjesë e së cilës ishte edhe kryeministri i vendit, Edi Rama.
Kujtojmë se Sekretariati i Etikës ka përjashtuar 19 deputetë të Partisë Demokratike pas trazirave që kishin shkaktuar në komisione parlamentare dhe Parlament në seancat e mëparshme.
Deputetët e përjashtuar të PD nga Sekretariati i Etikës më datë 29 Janar 2024
*Ervin Salianji 20 ditë
*Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmond Spaho, Oerd Bylykbashi, Saimir Korreshi, Kasëm Mahmutaj, Ramadan Likaj, Kastriot Piroli, Qani Xhafa, Lodovik Hasani dhe Luan Baçi të përjashtuar me 10 ditë.
