Është mbyllur stërvitja mes Regjimentit të Operacioneve Speciale të vendit tonë, Forcave Speciale të SHBA dhe Maqedonisë së Veriut.
Ministri i Mbrojtjes Niko Peleshi, në një reagim në rrjete sociale, e cilëson këtë angazhim të përbashkët si një mundësi për forcimin e mëtejshëm të marrëdhënieve me SHBA dhe Maqedoninë e Veriut.
“Operatorët e Regjimentit të Operacioneve Speciale përfundojnë stërvitjen përgatitore për në “JCET-23”, stërvitjen e përbashkët me Forcat Speciale të SHBA-së që do të zhvillohet në Maqedoninë e Veriut”, bënë të ditur Peleshi.
“Kjo stërvitje intensive ka përgatitur efektivët tanë që të jenë në nivelin më të lartë të aftësive për realizimin dhe përballimin e sfidave më të vështira në terren”, theskon Peleshi.
“Bashkëpunimi me Forcat Speciale të SHBA-së është një hap i rëndësishëm për të forcuar edhe më shumë lidhjet tona dhe për të mësuar nga përvoja e tyre e vlefshme në fushën e operacioneve special”, nënvizon Peleshi.
