Komisioneri Shtetëror i Zgjedhjeve zhvilloi seancë publike për shqyrtimin e kërkesës së Koalicionit “Aleanca Liberale e Djathtë”.
Në lidhje me regjistrimin e Koalicionit “Aleanca Liberale e Djathtë”, përfaqësuesi i PD-së, Indrit Sefa tha se ky koalicion nuk duhet të regjistrohet sepse mbështetja e tre deputetëve nuk është sipas parashikimit ligjor
Ai tha se duke iu referuar nenit 68 të Kodit Zgjedhor, i cili thotë se për qëllime të këtij neni partia politike ose koalicioni paraqit një vërtetim me shkrim nga Kuvendi apo njësitë vendore ku vërtetohet mandati të paktën 6 muaj para përfundimit.
Komisoneri Shtetëror i Zgjedhjeve Ilirjan Celibashi tha se kërkesa e Koalicionit “Aleanca Liberale e Djathtë”, është në përputhje me kërkesën e Kodit Zgjedhor, sepse sipas nenit 65 të Kodit Zgjedhor dhe Partitë Politike, Balli Kombëtar Demokrat, Bashkimi Liberal Demokrat dhe Bashkimi Demokrat Shqiptar janë të regjistruar si subjekte zgjedhore e kanë të drejtën që të paraqesin kërkesën dhe kërkesa është sipas parashikimeve të Kodit Zgjedhor. Celibashi vendosi ta regjistrojë si koalicion me shkronja nistore “ALD”.
