Shpërndarja e lëndëve narkotik në burgje është bërë e zakontë. Në ambientet e vuajtjes së dënimit në Peqin është gjetur një sasi me lënde narkotike.
Në drejtorinë e burgut Peqin gjithsej janë sekuestruar 10 gramë lëndë narkotike kanabis sativa.
Lënda narkotike është gjendur në ambiente të përbashkëta që përdoren nga ana e të dënuarve.
Më herët në burgun e Fierit u gjetën nëntë doza të dyshuara si lëndë narkotike. 13 doza të tjera u gjetën të fshehura në neonin e tavanit në palestër.
Gjatë kontrollit, u gjet edhe një sharrë e improvizuar me kokën e një makine qethëse si dhe një televizor “Obot” me fijet jashtë për lidhje me kufje, dyshuar si mjet komunikimi. Materialet i kaluan për veprime të mëtejshme SHKKB.
