Pritet të dalin sot para Gjykatë së Posaçme 35 të arrestuarit e skemës së mashtrimit me anë të Call Center.
Skema që ishte ngritur dhe drejtohej nga izraeliti Rafael Genish kishte mashtruar mijëra shtetas europianë. Ata akuzohen për mashtrim kompjuterik.
Hetimet zgjatën disa muaj dhe besohet se të ndaluarit kishin kontaktuar gati 2 milionë persona duke marrë përfitime të majme.
‘Koka” e kësaj skeme mashtrimit konsiderohet shtetasi izraelit Rafael Genish, i cili rezulton të jetë pronari i kompanisë.
Ai është mes 35 të arrestuarëve të operacionit të koduar “Komunikimi”, ndërsa të ndaluarit e tjerë janë punonjës të kësaj kompanie.
