Ushtria e Turqisë ka neutralizuar tetë pjesëtarë të organizatës terroriste PKK në rajonin Hakurk në veri të Irakut, përfshirë një “përgjegjës të njësisë për sulme dhe sabotazh”, njoftoi Ministria turke e Mbrojtjes, (AA).
Sipas një njoftimi nga ministria, disa nga terroristët në zonat e bazave të organizatës terroriste në Hakurk ishin në gatishmëri për të kryer sulme.
“Përmes një operacioni ajror, janë neutralizuar tetë terroristë të PKK-së, përfshirë përgjegjësin e njësisë për sulme dhe sabotazh të njohur me emrin e koduar ‘Harun'”, thuhet në njoftimin e ministrisë turke.
Organizata terroriste PKK shpesh përdor pjesën veriore të Irakut për të kryer sulme ndërkufitare kundër Turqisë.
Në fushatën e saj terroriste mbi 30-vjeçare kundër Turqisë, PKK, e cilësuar si organizatë terroriste nga Turqia, SHBA dhe Bashkimi Evropian, ka qenë përgjegjëse për vdekjen e gati 40 mijë personave, përfshirë shumë gra dhe fëmijë.
