Apple ka shtyrë planet për të lansuar teknologjinë e zbulimit e cila do të kishte skanuar iPhone-ët e përdoruesve amerikanë në kërkim të materialit të abuzimit seksual të fëmijëve.
Sipas mediave të huaja, përcjell Telegrafi, një hap i tillë vjen pas kritikave të përhapura nga grupet e privatësisë dhe të tjerët, të shqetësuar se gjurmimi në pajisje krijoi një precedent të rrezikshëm.
Apple tha se kishte dëgjuar reagimet negative dhe po rishqyrtonte ato.
Ndryshe, kishte shqetësime se sistemi mund të abuzohej nga shtetet autoritare.
E ashtuquajtura teknologji NeuralHash do të kishte skanuar imazhe pak para se të ngarkoheshin në Fotografitë iCloud.
Atëherë ajo do t’i kishte krahasuar me materialin e njohur të abuzimit seksual të fëmijëve në një bazë të dhënash të mbajtur nga Qendra Kombëtare për Fëmijët e Zhdukur dhe të Shfrytëzuar.
Nëse do të gjendej një “përputhje”, atëherë ajo do të ishte rishikuar dhe nëse do të “vërtetohej”, do të merreshin hapa për të çaktivizuar llogarinë e një përdoruesi dhe për ta raportuar atë tek zbatimi i ligjit.
