Një ngjarje e rëndë është shënuar në një park kombëtar në Rusi.
Mediat lokale shkruajnë, se 42-vjeçari Yevgeny Starkov, është sulmuar dhe ngrënë nga një ari. Ai ishte me miqtë e tij duke vizituar parkun, kur papritur, kafsha trupmadhe u shfaq dhe nisi ta sulmojë.
Miqtë kanë mundur të largohen nga vendi i ngjarjes, duke ecur për 7 orë në këmbë dhe njoftuan autoritetet për atë që kishte ndodhur. Hetuesit e kanë të vështirë për të shkuar në vendin ku u regjistrua sulmi, për shkak të motit të keq thonë autoritetet.
“Ishim duke bërë gati rrobat në tendë, kur papritur ariu u shfaq dhe nisi të sulmonte Yevgeneyn. Të gjithë u tmerruam. Kafsha ishte vërtetë e madhe dhe e frikshme. Pasi u ushqye me trupin e shokut tonë, ai na sulmoi ne. Por as vetë nuk e kuptuam se si u ngjitëm rreth 50 metra në lartësi, duke shpëtuar”, tha mikja e viktimës, Yulia Arbuzova.
