Detaje të reja janë mësuar në lidhje me krimin e rëndë që ndodhi dje në Bubq ku Artan Islamaja vrau me thikë bashkëshorten e tij Klarita Ismalaja.
Mësohet se çifti prej tre muajsh debatonin për shkak të xhelozisë së burrit, pas dyshimeve se gruaja e tij e tradhëtonte.
Përveç kësaj, ata debatonin dhe për blerjen e një shtëpie. Konkretisht mësohet se Klarita Ismalaja i kishte kërkuar para të shoqit për të blerë një shtëpi të re për prindërit e saj, në mënyrë që t’i largonte nga periferia e Fushë Krujës, ku dhe jetonin për momentin.
Sipas burimeve ata ditën e djeshme ishin nisur për të parë një shtëpi, por duket se një debat gjatë rrugës bëri që të përshkallëzonte situate.
Artan Ismalaja futi makinën në oborrin e një stalle lopësh dhe e masakroi të shoqen. Më pas ai tentoi të vriste dhe veten.
Ndërkaq ai u arrestua sot në ambientet e spitalit.
