Teksa Partia Socialiste ka nisur procedurat për shkarkimin e presidentit Ilir Meta dhe kanë ngritur Komisionin Hetimor, Ervin Bushati ka folur për zëvendësuesin e tij.
Kreu i PS për Tiranën në një intervistë tha se postin e presidentit mund ta marrë një grua, për ti përfaqësuar shqiptarët denjësisht.
“Ne jemi të qartë dhe kemi një komision të dytë për të shkarkuar presidentin. Në këtë proces, Shqipëria është një Amerikë e vogël, po t´i referohemi “impeachment-it” atje.
Duhet të vendosur një precedent, që ai që do jetë në krye të shtetit, që unë mendoj se duhet të jetë një femër, duhet të përfaqësojë denjësisht shqiptarët.
Presidenca ka qenë benzina politike e këtyre zgjedhjeve”, tha Bushati.
