Përmes zëdhënëses së fushatës Floriana Garo, PD apeloi sërish mesazhin për shqiptarët që të dalin të votojnë.
“Po shohim një rritje të madhe të pjesëmarrjes në zgjedhje anekënd Shqipërisë. Kudo në Shqipëri qytetarët dalin të votojnë. Kjo është një ditë historike feste për demokracinë.
U bëjmë thirrje të gjithëve të dalin dhe të votojnë – të mos e humbin mundësinë.Ky është momenti juaj. Ky është momenti i Shqipërisë. Dilni dhe votoni!”- tha Garo nga selia e PD-së.
