TURQI-Protestat në Turqi janë përshkallëzuar, pas miratimit nga shteti të një rektori në një Universitet prestigjioz në Stamboll. Sipas TheGuardian, 250 njerëz në Stamboll dhe 69 të tjerë në Ankara janë arrestuar këtë javë, shumica prej tyre studentë, pas përplasjes me policinë duke shënuar një nga shfaqjet më të mëdha të trazirave civile në Turqi që nga lëvizja Gezi Park 2013 .
Presidenti Erdogan, ka thënë ditën e djeshme se qeveria e tij nuk do të lejojë që protestat e Boğaziçi të dalin jashtë kontrollit, duke akuzuar protestuesit se janë terroristë dhe të rinj LGBT që punojnë kundër vlerave kombëtare dhe shpirtërore të Turqisë.
Por një Behrem Evlice, një student i vitit të katërt i shkencave politike, ka thënë se në protestë ka studentë dhe të rinj nga e gjithë bota. Sipas tij policia i ka sulmuar duke përdoruar dhunë, ku dhe ka shtuar se e vetmja gjë që kërkojnë është e drejta për të zgjedhur se kush do e drejtoj Universitetin e tyre.
“Ne jemi kaq të zemëruar tani dhe nuk janë vetëm studentët e Boğaziçi, por janë studentë dhe të rinj në të gjithë Turqinë. [Shteti] na ka sulmuar me polici dhe dhunë. Ata po na njollosin me këto etiketa kur gjithçka që duam është një fjalë për mënyrën se si drejtohet universiteti ynë. Në fund të fundit megjithëse ekziston një krizë ekonomike në Turqi dhe ata e dinë se do të humbin votat … ata thjesht po përpiqen të ndajnë njerëzit. ”
Demonstratat nga stafi dhe studentët shpërthyen muajin e kaluar lidhur me emërimin e Melih Bulu, një biznesmen që ishte një kandidat parlamentar i partisë për Drejtësi dhe Zhvillim (AKP) në 2015, si rektor i Universitetit Boğaziçi. Vendimi për të emëruar Bulu u denoncua si jodemokratik nga anëtarët e universitetit dhe u interpretua gjerësisht si një përpjekje qeveritare për të depërtuar në një nga institucionet e fundit me prirje të majtë të vendit. Bulu është rektori i parë i zgjedhur nga jashtë komunitetit universitar që nga grusht shteti ushtarak i Turqisë 1980 .
