Franca ka konfirmuar rastin e parë të variantit të ri të koronavirusit që u zbulua në Mbretërinë e Bashkuar. Sipas CNN, lajmi u bë i ditur të premten, nga zyrtarët shëndetësorë francezë.
Personi i infektuar është një shtetas francez që jeton në Angli. Ai u largua fundjavën e kaluar nga Londra për në qytetin francez Tours, derisa u shtrua në spital të hënën, shkruan tg.
“Personi është asimptomatik ndaj COVID-19, aktualisht ai gjendet i izoluar në shtëpi dhe është mirë”, thuhet në deklaratën e ministrisë së shëndetësisë franceze.
Varianti i ri i koronavirusit i cili u identifikua për herë të parë në Mbretërinë e Bashkuar, tashmë është vërejtur edhe në disa vende të tjera të botës.
Ekspertët vlerësojnë se ky variant thuhet të jetë më i transmetueshëm se llojet e tjera.
