Sudani një nga palët në negociatat për digën Hidase njoftoi se ka shqetësime për negociatat e kryera për të zgjidhur krizën e shfaqur lidhur me mbushjen e digës.
Sipas agjencisë zyrtare sudaneze të lajmeve (SUNA), ministri sudanez i Ujitjes dhe Burimeve të ujit, Yasser Abbas, në letrën e tij dërguar ministrit të Punëve të Jashtme dhe Bashkëpunimit Ndërkombëtar të Afrikës së Jugut, është shprehur se, “Kemi shqetësime të thella për avancimin e arritur lidhur me digën Hidase dhe për ecurinë e negociatave aktuale”.
Më tej Abbas ka tërhequr vëmendjen se pala e Etiopisë ndikon negativisht negociatat dhe se kjo situatë është në kundërshtim edhe me “marrëveshjen e parimeve” të nënshkruar më 23 mars 2015 mes Egjiptit, Etiopisë dhe Sudanit.
Pasi ka dhënë mesazhin se diga mund të ketë efekte negative mbi popullatën dhe mjedisin e Sudanit, ministri Abbas bëri të ditur se duhet të arrihet një marrëveshje lidhur me menaxhimin e digës.
Palët rifilluan bisedimet lidhur me negociatat e bllokuara për çështjen e mbushjes dhe menaxhimit të digës Hidase, ndërtimi i të cilës vazhdon mbi Nilin Blue i cili është dega kryesore e Lumit Nil të Etiopisë dhe që ka shkaktuar krizë mes këtij vendi dhe Egjiptit e Sudanit.
Etiopia e cila nevojën e rreth 90 për qind të elektricitetit e siguron nga centralet hidroelektrikë, synon të plotësojë mungesën e energjisë me digën Hidase, e cila do të jetë më e madhja në Afrikë.
