Me 1.681 raste të reja, Izraeli sot regjistori shifrën më të lartë të të infektuarve nga koronavirusi i ri (COVID-19) brenda 24 orëve, (AA).
Numri i përgjithshëm i rasteve në Izrael ka shkuar në 41.235, ndërsa më tre viktima të reja, bilanci i të vdekurve ka arritur në 368, njoftoi Ministria izraelite e Shëndetësisë.
Në 24 orët e fundit, vendi ka kryer mbi 27 mijë teste, ndërsa 6,1 për qind kanë rezultuar pozitivë.
Në njoftimin e ministrisë thuhet se 177 pacientë janë në gjendje të vështirë, kurse 19.474 janë shëruar deri më tani.
Ndërkaq, numri i rasteve aktive, i cili në muajin maj kishte rënë nën 2 mijë, aktualisht është 21.393.
Qeveria e Tel Avivit në muajin maj kishte hequr shumicën e masave kufizuese pas rënies së rasteve ditore nën 20.
Në kuadër të zbutjes së masave, vendi rihapi shkollat, qendrat tregtare, tregjet dhe restorantet.
Ndërkaq, më 6 korrik, pas rritjes së numrit të rasteve, qeveria mbylli disa objekte, përfshirë sallat sportive dhe klubet e natës. Ndërkaq, në restorante dhe sinagoga, numri i personave u kufizua në 20.
