Të paktën 7 pacientë e kanë humbur jetën ndërsa 7 të tjerë janë plagosur si pasojë e zjarrit që ka përfshirë një spital privat në qytetin e Aleksandrisë në Egjipt.
Drejtori i Policisë së qytetit të Aleksandrisë, Sami Ghuneim në deklaratën për mediat lokale tha se sipas vlerësimeve të para 7 pacientë e kanë humbur jetën si pasojë e helmimit nga tymi ndërsa 7 të tjerë janë plagosur.
Ai theksoi se zjarrfikësit vazhdojnë punimet për shuarjen e zjarrit të shkaktuar nga paneli elektrik. Të plagosurit janë transferuar në një spital tjetër.
Në Egjipt, veçanërisht në muajt e verës në shumë spitale dhe institucione shtetërore shpërthejnë zjarre.
