Zëdhënësi i Ministrisë së Punëve të Jashtme të Turqisë, Hami Aksoy përgënjeshtroi pretendimet se helikopteri që transportonte ministrin grek të Mbrojtjes, Nikos Panagiotopoulos është provokuar nga avionët luftarakë turq
Në përgjigjen e tij me shkrim ndaj pyetjes së drejtuar ministrisë lidhur me çështjen në fjalë, Aksoy ka thënë se avionët luftarakë turq kanë kryer detyrën e tyre identifikuese në kuadër të aktiviteteve rutinore të tyre në Egje.
“Nuk bëhet fjalë për provokim të helikopterit që transportonte ministrin e nderuar. Nuk i shërben për asgjë këtij vendi që të rrisë tensionet duke dramatizuar fluturimet rutinë. Në vend të kësaj, këto çështje duhet të diskutohen brenda procesit të masave për rritjen e besimit që janë nisur mes ministrive të të dyja vendeve”, theksoi Aksoy.
