Gjykata e Posaçme e Apelit për Korrupsionin dhe Krimin e Organizuar, la sot në fuqi vendimin e Gjykatës së Shkallës së Parë për Korrupsionin dhe Krimin e Organizuar, për pezullimin nga detyra të zëvendëskryeministres, njëherësh ministre e Infrastrukturës dhe Energjisë, Belinda Balluku.
Vendimi u mor nga trupi gjykues monokratik i përbërë nga gjyqtare Miliana Muça, pas ankimimit të bërë nga Balluku në lidhje me vendimin e GJKKO të datës 22 nëntor 2025.
Ndaj Ballukut, GJKKO ka caktuar edhe masën e ndalimit jashtë vendit.
Balluku është marrë e pandehur nga SPAK në lidhje me procedurat për ndërtimin e tunelit të Tuneli i Llogarasë, ndërsa gjithashtu është nën hetim edhe për shtatë lotet e projektit të Unaza e Madhe e Tiranës. Prokuroria e Posaçme e akuzon ish-ministren për veprën penale “Shkelje e barazisë në tendera”.
