Erërat e forta jugore që arrijnë 8 deri në 9 Beaufort në shumë zona detare kanë ndërprerë shërbimet e trageteve, sipas Rojës Bregdetare Helenike.
Sipas autoritetit portual – Rojës Bregdetare Helenike, vetëm linjat e anijeve për në Dodekanezë operohen nga porti i Pireut, ndërsa të gjitha linjat e tjera për në zona të tjera ishullore janë pezulluar përkohësisht.
Për Gjirin Argosaronik, linjat nuk operohen deri në njoftim të mëtejshëm.
Situata është e ngjashme në portin e Rafinës.
Linjat për në Ciklade nuk do të operohen, ndërsa një ndalim për nisje nga porti i Lavrio mbetet në fuqi.
Linjat e trageteve Faneromeni Salamis-Megara, Nea Stira-Agia Marina, Keramoti-Thassos, Korfuz-Igumenicë, Rio-Antirrio dhe Kyllini-Zakynthos janë gjithashtu jashtë shërbimit.
Pasagjerët që do të udhëtojnë sot u bëhet thirrje të kontaktojnë autoritetet lokale portuale dhe agjencitë turistike para nisjes së tyre në mënyrë që të informohen për çdo ndryshim ose modifikim të itinerareve.
