Një operacion i gjerë i antimafias italiane ka çuar në ekzekutimin e 28 masave sigurie, ku mes të arrestuarve janë edhe gjashtë shtetas shqiptarë. Sipas prokurorisë italiane, personat dyshohet se janë pjesë e një grupi kriminal të lidhur me klanin Locride të Ndrangheta-s, i specializuar në transportimin e kokainës nga Amerika e Jugut drejt Evropës. Hetimet kanë zbuluar se organizata ka transportuar rreth 3.5 ton kokainë, me një vlerë që llogaritet mbi 27 milionë euro. Ngarkesat e drogës, me origjinë nga Kolumbia dhe Brazili, mbërrinin në portet evropiane të fshehura brenda kontejnerëve të transportit të ligjshëm, duke përdorur metodën e njohur si “gancio cieco” (ose “grabitja”).
Zbërthimi i mesazheve të koduara
Operacioni u mundësua pas deshifrimit të komunikimeve në platforma të koduara si SkyECC, në bashkëpunim me Eurojust dhe Europol. Këto hetime çuan në identifikimin e kontakteve me ndërmjetës shqiptarë, furnizuesit nga Amerika e Jugut dhe të ashtuquajturin grup udhëheqës Barbaro di Platì.
Roli i një shtetasi kinez: dyshohet për pastrim parash
Mes të arrestuarve është edhe një shtetas kinez, i cili, sipas prokurorit të Milanos Marcello Viola, dyshohet se ka vepruar si “ndërrues parash”, duke përdorur sistemin informal të transferimit financiar “fei eh ‘ien”, për të mundësuar pagesat e blerjeve të drogës pa kaluar nëpër kanale bankare. Organizata kishte qendrën në Lombardi, por mbante lidhje edhe në Gjermani, Holandë, Spanjë, Mbretërinë e Bashkuar, Kolumbi dhe Brazil. Transportet kryesore të drogës kryheshin përmes porteve të Livornos, Roterdamit, Gioia Tauro dhe Le Havre.
Të dyshuarit shqiptarë të arrestuar
E Aliu
M Aliu
F Aliu
E Bashmeta
A Hoxhosmani
K Daiu
Të arrestuarit e tjerë
Franco Barbaro, 1976
Antonio Barbaro, 1984
Giuseppe Trimboli, 1977
Bruno Trimboli, 1976
Rocco Violi, 1989
Michele Portolesi, 1975
Antonino Chindamo, 1988
Bartolomeo Pepè, 1983
Luciano Scarinci, 1984
Giuseppe Barbaro, 1986
Giuseppe Catanzariti, 1984
Davide Cannone, 1977
Francesco Costa, 1979
Giuseppe Grillo, 1974
Giuseppe Scarfò, 1990
Giancarlo Tasca, 1984
Antonio Rosario Trimboli, 1982
Stefano Virgilio, 1991
Yubo Xe
Në arrest shtëpie
Francesco Biondo, 1951
Giuseppe Foti, 1977
Giuseppe Perre, 1997
