Një fluturim provë për raketën Starship të SpaceX ka dështuar për herë të tretë radhazi.
Raketa nisi të rrotullohej pa kontroll rreth 30 minuta pas nisjes për shkak të rrjedhjes së karburantit, duke treguar se u prish gjatë rihyrjes në atmosferën e Tokës.
“Mundësitë tona për të shkuar deri në Oqeanin Indian janë të pakta”, u tha gjatë transmetimit direkt të SpaceX.
Deri më tani kishte shpresa se ky mision do të ishte i suksesshëm pasi raketa kishte përparuar pas dështimeve të janarit dhe marsit.
Planet për të lëshuar një seri satelitësh pas nisjes u lanë mënjanë sepse dera e raketës nuk hapej plotësisht. Mjeti hapësinor ishte vendosur mbi një pajisje që po përdorej për herë të parë dhe duhet të kryene një ulje të lehtë, por u përplas në Gjirin e Meksikës.
SpaceX shpreson që një ditë Starship të transportojë njerëz dhe mallra në planetin Mars, por ngjarja e fundit i kthen ambiciet e Elon Musk në dyshime.
Megjithatë, njeriu më i pasur i botës e quajti këtë fluturim si “përmirësim të madh”. Ai premtoi se do të fitonte ritëm me fluturimet e ardhshme, tre të cilët do të zhvillohen çdo 3-4 javë.
