Suksesi për Dua Lipën nuk ka të ndalur! Këngëtarja me origjinë shqiptare është shpallur më e kilikuara në Mbretërinë e Bashkuar për vitin 2024.
“Phonographic Performance Limited”, e cila jep licenca për muzikë ka publikuar raportin e saj vjetor për muzikën më të klikuar/dëgjuar në radio, televizion dhe platforma të tjera online, në Mbretërinë e Bashkuar për vitin 2024. Raporti e renditi Dua Lipën si artisten më të klikuar.
Kjo është hera e dytë që këngëtarja me origjinë shqiptare merr këtë “trofe”. Ajo u rendit si artisja më e dëgjuar nga britanikët edhe në vitin 2020.
“Është një nder i vërtetë të emërohem artistja më e klikuar në Mbretërinë e Bashkuar për herë të dytë. Viti 2024 ishte një vit i jashtëzakonshëm dhe jam shumë mirënjohëse për të gjithë ata që kanë mbështetur muzikën time në radio, televizion dhe në vende të ndryshme në të gjithë vendin”, tha e emocionuar Dua Lipa.
Sipas raportit këngët e Dua Lipës klikohen mesatarisht 400 herë në ditë dhe më e preferuara në gjithë repertorin e saj është “Houdini”.
Lipa zbriti nga “froni” Ed Sharen, i cili për tre vjet mbajti titullin si këngëtari më i preferuar në Britani. Raporti e renditi Ed Sharen në vendin e tretë, kurse në vend të dytë Taylor Swift. Në vendin e katërt u rendit David Guetta, kurse në vendin e pestë Coldplay.
