Alfred Muharremi, një i ri i rritur pa kujdesin prindëror, i cili ka drejtuar lëvizjen për mbrojtjen e të drejtave të fëmijëve jetimë ishte i ftuari i radhës i Kryeministrit Edi Rama në Podcastit “Flasim”.
“Një djalë që u bë burrë pa prindër dhe një prind që gjeti edhe prindërit”, u shpreh fillimisht kryeministri Rama.
I rritur mes Shtëpisë së Fëmijës Shkodër dhe fshatit “SOS”, Alfredi ia doli të drejtojë një lëvizje që u shtri në gjithë vendin dhe që ka asistuar në mbështetje për qindra fëmijë dhe të rinj pa kujdes prindëror.
“Ka qenë një nismë brenda rrjetit tonë të njohjeve të punësimit dhe më pas shumë njerëz të cilët i kishin miq, kolegë pune, filluan që të na kërkonin, nëse keni raste familjesh ose fëmijë që doni të ndihmoni atëherë të lutem na kontaktoni”, tha Alfred Muharremi.
Përmes lëvizjes së tij, Muharremi ka përcjellë kërkesat e jetimeve në nivelet më të larta të politikës duke u bërë zëri i tyre pranë institucioneve.
Ndër të tjera, vlerësoi reformën e bërë në institucionit e kujdesit social.
Edi Rama: Tani si janë institucionet sipas teje?
Alfred Muharremi: Gjëja që unë jam krejtësisht mirënjohës, falenderues, sot e gjithmonë, gjithë jetën është se atë barrë që unë e kalova kur isha në moshën 3 deri në moshën 5 vjeç, sot fëmijët nuk e kalojnë.
Muharremi ka qenë pjesë e platformës së Partisë Socialiste “Deputeti që duam”, në zgjedhjet e vitit 2021, por nuk arriti të dalë fitues.
