Zonat e skive në kantonet Obwalden, Nidwalden dhe Uri mund të rinisin operacionet më 30 dhjetor. Dy kantonet e para të Zvicrës qendrore kanë marrë këtë vendim të hënën, raporton srf.ch.
Vendimin ato e arsyetojnë në një komunikatë duke pretenduar se situata në lidhje me koronavirusin në këto kantone është stabilizuar.
Sa u përket spitaleve, situata gjithashtu është lehtësuar dhe kjo mundëson që të ketë kapacitete të mjaftueshme të kujdesit shëndetësor.
Janë caktuar po ashtu masat kufizuese të mbrojtjes dhe kriteret për ski, që lidhen me kushtet në terren.
Ndërkaq oferta hotelierike është e kufizuar, do të ketë vetëm ushqime “take away”. Qeveritë e kantoneve u apelojnë qytetarëve që të informohen për situatën aktuale dhe shfrytëzimin e kapaciteteve para se të vizitojnë zonat e skive.
Edhe më tutje, të gjithë restorantet, baret dhe klubet do të qëndrojnë të mbyllura.
