Misioni i OSBE-së në Kosovë sot ka përkujtuar viktimat e masakruara të Reçakut.
Ky institucion që 21 vjet më parë në krye me William Walker i dha jehonë tmerrit që po ndodhte në Kosovë nga forcat serbe, tha se edhe sot janë të bashkuar për të ndarë dhimbjen e kësaj masakre, njofton Klan Kosova.
“Më 15 janar 1999, 45 shqiptarë të Kosovës u masakruan në Reçak. Ne bashkohemi për të nderuar kujtimin e jetëve të pafajshme që u morën në Reçak dhe në tërë Kosovën gjatë kësaj periudhe. Ne shprehim thellësisht ngushëllimet tona për familjet e viktimave dhe mbetemi të përkushtuar ndaj parimeve të sundimit të ligjit, sigurisë publike dhe një të ardhme paqësore për të gjithë”, thuhet në deklaratë.
