Spasovski, përmes një postimi në rrjetet sociale shkruan se duke ndjekur gjendjen epidemiologjike me COVID-19 dhe rekomandimet e Komisionit të Sëmundjeve Infektive, në seancën e sotme të qeverisë është vendosur që ora policore të zgjatet.
“Ndalohet lëvizja e të gjithë qytetarëve në gjithë territorin e shtetit duke filluar nga e diela, 24 maj, në ora 11:00, deri të martën, 26 maj, ora 05:00”, shkroi Spasovski.
Dita e dielë është dita e parë e Fitër Bajramit, në të cilën është lejuar lëvizja e qytetarëve nga ora 05:00 deri në ora 11:00.
Gjatë ditës së hënë, që është dita e dytë e Fitër Bajramit, është e ndaluar lëvizja e qytetarëve gjatë gjithë ditës, deri në mëngjesin e së martës në ora 05:00.
Ndërkohë, nesër më 23 maj, si dhe të martën më 26 maj dhe në ditët në vijim, do të vlejë ora policore e deritanishme, nga 19:00 deri në ora 05:00 mëngjesin e nesërm.
