Udhëzimi i ri për maturantët: Vetëm një lëndë me zgjedhje

Për të pasur kohën e mjaftueshme që të përgatiten për provimet deri në muajin qershor, nxënësit që duan të vazhdojnë studimet e larta kanë marrë programet orientuese që në fillim të vitit shkollor.

Sipas udhëzimit të ri të Ministrisë së Arsimit për Maturën Shtetërore 2018-2019, maturantët nuk do të kenë dy lëndë me zgjedhje, por do të zgjedhin vetëm një. Si dhe lista e lëndëve alternative është shtuar nga 8 në 11.

Nga 5 provime që maturantët i nënshtroheshin në vitet e mëparshme, Matura Shtetërore 2019 do të ketë një më pak, 4 të tilla.

“Është një eksperiment që po ndodh për herë të parë sivjet, por mendoj se është më e lehtë për ne nxënësit sepse na heq më shumë ngarkesë”, thotë një maturante

Veç testimit të njohurive në provimet e detyruara të Matematikës, Gjuhës Shqipe e Letërsisë dhe Gjuhës së huaj, gjimnazistët do të zgjedhin vetëm një lëndë me zgjedhje për të dhënë provimin nga 11 mundësitë që kanë; lëndë që do të ketë peshë për degën që do të zgjedhin në sistemin universitar.

Tri lëndë të reja me zgjedhje, veç atyre bazë, i janë shtuar listës së lëndëve alternative, të cilat janë: Histori baleti, Histori muzike dhe Histori arti.

Ndërkohë që në udhëzim nënvizohet se provimet e detyruara do të mbështeten në informacionet e marra nga kurrikula bërthamë, ndërsa për lëndën e zgjedhur maturanti nuk është i detyruar të zgjedhë vetëm ato që ka zhvilluar në shkollë.

- ISLAMSHOP.CH -spot_img

LEXO MË SHUMË

Së fundi