SHQIPERIA

Rama citon Zamira Kitën: Unë jam për një teatër të ri

Spread the love

Kryeministri Edi Rama ka publikuar një tjetër citim të aktorëve të njohur shqiptarë. Rama ka shpërndarë opinionin, sipas tij, të aktores Zamira Kita.

Në citimin, aktorja Zamira Kita shprehet se godina e teatrit të vjetër nuk ka asnjë vlerë e se duhet një teatër i ri.

Postimi i Edi Ramës:

Aktorja e mirënjohur korçare, Zamira Kita, njëra ndër protagonistet e gjeneratës së ndërmjetme, mes themeluesve dhe më të rinjve të komunitetit teatror shqiptar, shumë e duatrokitur dhe e respektuar për kontributin artistik, ndan opinionin e saj për Teatrin Kombëtar bazuar në një eksperiencë të gjatë e plot pasion në skenën shqiptare:

ZAMIRA KITA:

Godina aktuale nuk ka asnjë vlerë. Objektet, sendet, garderoba e aktorëve që kanë luajtur në atë skenë, të ruhen në teatrin e ri që do të ndërtohet, të krijohet një muzeum i vizitueshëm për të gjithë. Duke patur përvojën e Teatrit të Korçës, mendoj se duhet ndërtuar një teatër i ri nga themelet. Teatri Kombëtar ka një amortizim të plotë, nuk është aspak i përshtatshëm për të dhënë shfaqje, nuk është funksional, as komod. Sado që ta rikonstruktojmë atë, nuk besoj se do bëhet një sallë e mirë, e përshtatshme. Unë jam për një teatër të ri. Pse jo, për një projekt si ai që kemi parë, një projekt modern, që të na mundësojë shumë ambiente në funksion të teatrit, siç kemi parë nëpër botë. Mendoj se debati është shfrytëzuar keq nga segmente politike.

Related posts

Njeriu që “vodhi” poligonin; Kush është biznesmeni i akuzuar për vjedhjen e tokës së repartit ushtarak

dritatv

Tiranë, pas protestës së djeshme policia procedon 84 persona

dritatv

Tahiri lë mandatin e deputetit: Do përballem me të gjithë

dritatv

Leave a Comment