SHQIPERIA

Protesta e studentëve, qeveria tërhiqet nga tarifimi i provimeve të mbartura

Spread the love

Ministrja e Arsimit dhe Sportit, Lindita Nikolla, pas protestës së studentëve ka dalë në një konferencë për mediat, ku ka sqaruar vendimin që është marrë nga qeveria.

Nikolla shtoi se tarifat i vendos vetë universiteti dhe jo ministria, duke theksuar edhe një herë deklaratat e bëra më herët.

“Faleminderit studentëve që shërbyen si nxitës për të rritur komunikimin. Qeveria do të heqë dorë nga tarifimi i provimeve të bartura”, – tha Nikolla.

Në deklaratën e ministres thuhet se, “Që sot qeveria do të shfuqizojë vendimin që lidhet me tarifat, nuk do të ketë kosto shtesë për studentët mbetës. Do hiqet neni 4 i VKM-së dhe nuk do ketë tarifë për provimet e studentëve mbetës”.

Ky qëndrim i saj u dha pas takimit me dekanët dhe rektorët e universiteteve. Sa i takon kërkesës për përgjysmimin e tarifës së studimit, ajo tha se është në dorë të universiteteve.

Studentët e Universiteteve publike në Tiranë, prej orësh vijojnë protestën para ministrisë së Arsimit.

Madje në mënyrë simbolike ata kanë nxjerrë edhe kartonë të kuq, ndaj ministres së Arsimit Lindita Nikolla, kundër tarifave të larta.

Related posts

106-vjetori i krijimit të FA, 66 ushtarakë shqiptarë nisen për në Kabul

dritatv

Partia Socialiste shkarkon 11 kryetarë. Vendimi i kryesisë, pas kritikave të Ramës për drejtuesit lokalë

dritatv

Ashensor vetëm në letër; Hetimi zbuloi abuzimin me ndërtimet në Kashar

dritatv

Leave a Comment