ZVICER

Mërgimtarët në Zvicër përsëri pre e mashtrimeve me biletat për të shkuar në Kosovë

Spread the love

Përsëri janë rikthyer mashtrimet në disa kantone në Zvicër në lidhje me biletat për aeroplan.

Siç raporton gazeta zvicerane 20min, autorët po u bëjnë thirrje udhëtarëve kosovarë për fluturimet në Kosovë, prej të cilëve po përfitojnë mijëra franga.

Kjo nuk është hera e parë që autoritetet në Zvicër janë alarmuar për raste të tilla, e kjo ndodh kryesisht gjatë fundvitit.

Më shumë se 100,000 kosovarë që jetojnë në Zvicër, shkruan kjo gazetë, mbajnë raporte të mira me atdheun e tyre, Kosovën. Linja ajrore Zurich-Prishtinë ka qenë ‘rrugë popullore për vite me radhë’.

Por, policia tani përsëri paralajmëroi për një mashtrim të ri, transmeton Koha.net. Këta persona që po shesin bileta, po mashtrojnë qytetarët duke shitur bileta me oferta të ndryshme. Kur kosovarët paguajnë për bileta, këta persona që i ofrojnë ato oferta nuk janë më në dispozicion. Ose, biletat që marrin për aeroplan janë të pavlefshme ose joekzistente.

Aty thuhet se kontakti me ta bëhet përmes internetit, SMS-ve ose Viberit.

Arsyeja e këtij paralajmërimi është prej momentit kur gjatë kësaj jave dy persona u bënë viktimë dhe raportuan rastin në polici.

Policia në Zvicër këshillon të gjithë udhëtarët, kryesisht ata që udhëtojnë me linjën Zurich-Prishtinë, të blejnë bileta në kompanitë e udhëtimit që janë të njohura e të besueshme.

Related posts

Zvicër, 230 njerëz humbën jetën në aksidentet rrugore

dritatv

Parlamenti i Valisit kundër ndalimit të shamisë myslimane në shkolla, SVP proteston

dritatv

Kjo është kosovarja që po bëhet deputete në Zvicër!

dritatv

Leave a Comment