Ministrja për Evropën dhe Punët e Jashtme Olta Xhaçka ka publikuar pamje nga e eksodit të shqiptarëve drejt Italisë 30 vite më parë.
Xhaçka me anë të një postimi në rrjetet sociale, shkruan se Shqipëria nuk është ajo e 30 viteve më parë.
Xhaçka veç pamjeve sjell dhe dëshmitë e shqiptarëve që sot jetojnë e punojnë në Itali, duke theksuar se komuniteti shqiptar në Itali është sot një histori suksesi.
“Këto pamje që tronditën botën mbarë, janë ngulitur fort në kujtesën e të gjithë atyre që i jetuan.
Shumëçka ka ndryshuar nga ajo kohë.
Shqipëria nuk është ajo e 30 viteve më parë.
Komuniteti shqiptar në Itali është sot një histori suksesi.
Por ajo që s’ka ndryshuar është ndjenja e mirënjohjes për Italinë e popullin italian që hapën dyert në orën tonë të dëshpërimit”, shkruan ajo në postimin e saj.