Bordi i Transparencës në mbledhjen e sotme ka vendosur ndryshimin e çmimeve tavan të shitjes për nënproduktet e naftës në tregun vendas.
Sipas vendimit, çmimi i shitjes me pakicë i gazoilit standard SSH EN 590 është përcaktuar jo më shumë se 183 lekë/litri, ndërsa çmimi i shitjes me shumicë jo më shumë se 171 lekë/litër.
Për benzinën, çmimi i shitjes me pakicë është vendosur jo më shumë se 170 lekë/litri, ndërsa ai me shumicë jo më shumë se 158 lekë/litër.
Çmimet e reja hyjnë në fuqi sot në orën 14:00 dhe do të jenë të vlefshme deri në mbledhjen e radhës së Bordit të Transparencës, ku do të pasqyrohen ndryshimet e tregut.
Bordi u bën thirrje operatorëve të tregut të naftës që të zbatojnë vendimet në fuqi, ndërsa paralajmëron masa administrative deri në pezullimin e aktivitetit në rast shkeljesh.
Në mbledhjen e datës 10 qershor, çmimet tavan ishin më të larta, përkatësisht 188 lekë/litri për gazoilin në pakicë dhe 171 lekë/litri për benzinën.
Sa i përket gazoilit për peshkim, në bazë të përjashtimeve ligjore nga taksat dhe akciza, çmimi i tij rezulton 88 lekë/litri, sipas metodologjisë në fuqi.
