The Guardian: Vuçiç jeton me intriga politike

Presidenti i Serbisë, Aleksander Vuçiç, njihet si “spin doctor” i mediave në Serbi dhe si manipulator i madh i opinionit publik.
Ai ditë më parë ishte demantuar nga mediat kosovare lidhur me deklaratat e tij kundër Bashkimit Europian se në marrëveshje nuk figuron që Asociacioni i komunave me shumicë serbe duhet të themelohet bazuar në ligjet e Kosovës.

Kjo demantohet lehtësisht sapo lexohen nenet e para të Marrëveshjes së Parë të Parimeve që rregullojnë normalizimin e marrëdhënieve ndërmjet Kosovës edhe Serbisë.

Në nenin 4 të Marrëveshjes së Parë të Parimeve që rregullojnë normalizimin e marrëdhënieve ndërmjet Kosovës edhe Serbisë thuhet se “Në përputhje me kompetencat e parapara me Kartën Evropiane për Vetëqeverisje Lokale dhe ligjin e Kosovës komunat pjesëmarrëse do të kenë të drejt të bashkëpunojnë në ushtrimin kolektiv të kompetencave të tyre përmes Bashkësisë/Asociacionit…”.

Faktikisht, Kosova deri më tash nuk e ka implementuar vetëm marrëveshjen për krijimin e Asociacionit të komunave me shumicë serbe, për të cilën ka filluar të përgatitet draft-statusi, por propaganda e Vuçiçit është rritur pikërisht kur ka filluar puna për implementimin e kësaj marrëveshjeje të fundit nga Kosova, derisa Serbia qëndron shumë prapa në zbatimin e tyre.

Ai edhe dje në samitin “Brdo Brione” në Shkup ka gënjyer publikisht duke thënë se Kosova dhe Serbia nuk kanë të nënshkruar marrëveshje për energjetikën, duke refuzuar në këtë mënyrë përmbushjen e kësaj marrëveshjeje të rëndësishme për Kosovën.

Por, me qasjen manipuluese të Vuçiçit duket se janë mësuar edhe ndërkombëtarët.

Javën e kaluar edhe mediumi prestigjioz The Guardian, presidentin e Serbisë e ka quajtur njeri kontradiktor.

Po i njëjti medium më herët kishte shkruar se rreziku që vjen nga udhëheqës si Viktor Orban dhe Aleksandar Vuçiç nuk është ideologjia, por shfrytëzimi i paskrupullt që i bëjnë opinionit publik.

“Po t’i shohësh me kujdes, kjo dyshe tregon shumë për hallkat që janë krijuar në Evropën e sotme midis intrigave politike, nacionalizmit, dhe suksesit të demagogëve. Orbani dhe Vuçiçi e pëlqejnë njëri-tjetrin sepse kanë shumë të përbashkëta, edhe pse njëri e ka bërë BE-në armike duke qenë pjesë e saj, ndërsa tjetri mbetet jashtë, por me synime për t’u bashkuar. Janë pak a shumë të të njëjtit brez: brezi që hyri në politikë në kohë të trazuara, pas rënies së bllokut komunist. Të dy tërheqin ndjenja nacionaliste, por në të njëjtën kohë përpiqen të mos këpusin lidhjet me aktorë të rëndësishëm të BE-së, sidomos Gjermaninë. Dhe udhëheqin me dorë të fortë, pa shfaqur interes për ekuilibrat, demokracinë liberale apo shtypin e lirë”, kishte shkruar The Guardian.

Sipas këtij mediumi, edhe diplomatët ndërkombëtarë tashmë janë në dijeni se fuqia e këtyre prodhuesve të spektakleve politike buron nga aftësia e tyre për të nuhatur se nga do të anojë opinioni publik dhe se si mund ta shfrytëzojnë sa më mirë.

The Guardian e portretizon Vuçiçin si ish-admirues të patundur të kasapëve gjakatarë të Ballkanit në vitet ‘90, aq sa i ishte bashkuar stafit propagandistik të Sllobodan Millosheviçit, si Ministër Informacioni. Në fund të vitit 2010, sipas këtij mediumi botëror, Vuçiç ishte shndërruar papritur në një pro-evropian që dukej i arsyeshëm./Rtv Islam/

- ISLAMSHOP.CH -spot_img

LEXO MË SHUMË

Së fundi