Tentoi të kalonte drogë me furgon në pikën kufitare të Hanit të Hotit, arrestohet belgu

Policia e Shkodrës ka arrestuar në pikën kufitare të Hanit të Hotit, një shtetas belg, që u kap duke tentuar të kalonte për në Shqipëri drogë.

I arrestuari është identifikuar si Mario Blomme 40 vjeç. Ky i fundit ishte duke lëvizur me një furgon dhe pas dyshimeve të ngritura nga policia, mjeti iu nënshtrua kontrollit me skaner, ku dhe u gjet sasia e drogës.

Në cilësinë e provës materiale janë sekuestruar lënda narkotike, automjeti dhe një aparat celular.

Njoftimi i policisë:

Shkodër

Policia Kufitare arreston në flagrancë një shtetas që u kap me lëndë narkotike në kufi.

Shërbimet e Policisë Kufitare në Hanin e Hotit, në zbatim të planit të masave për shtimin e kontrolleve në Pikat e Kalimit Kufitar dhe në kufirin e gjelbër, me qëllim parandalimin dhe goditjen e krimeve ndërkufitare, bazuar dhe në analizën e riskut, kanë kaluar në vijën e dytë për një kontroll më të detajuar një automjet tip furgon me të cilin dyshohej se mund të transportohej lëndë narkotike.

Pas kontrollit të imtësishëm të ushtruar nga shërbimet e Policisë Kufitare, në automjetin tip furgon është gjetur një sasi e vogel lënde narkotike cannabis sativa.

Në përfundim të veprimeve procedurale, specialistët për Hetimin e Narkotikëve kanë arrestuar në flagrancë drejtuesin e mjetit, shtetasin M. B., 40 vjeç, banues në Belgjikë.

Në cilësinë e provës materiale janë sekuestruar lënda narkotike, automjeti dhe një aparat celular.

Materialet do t’i referohen prokurorisë, për veprime të mëtejshme.

- ISLAMSHOP.CH -spot_img

LEXO MË SHUMË

Së fundi