Të dielën, akrepat e orës do të kthehen pas.
Mes 25 e 26 tetorit, në 03:00 të mëngjesit ata do të rrotullohen në drejtim të kundërt duke u pozicionuar te ora 02:00. Kjo do të thotë se do të flemë një orë më shumë.
Për orët analoge, ndryshimi duhet bërë manualisht, kurse në ato dixhitale ndodh në mënyrë automatike.
Mbrëmja do të bjerë më herët dhe do të duhet pak kohë për t’u mësuar.
Ndryshimi i orës ndodh në më shumë se 70 vende të botës. Shumë prej vendeve europiane e ndryshojnë orën në fund të marsit dhe tetorit (ora diellore).
Të vetmet vende që nuk e bëjnë janë Islanda, Turqia, Bjellorusia, Rusia, Armenia, Azerbajxhani dhe Gjeorgjia.
Pjesa më e madhe e vendeve aziatike si India, Japonia, Kina dhe Mongolia zgjedhin të mos përdorin orën diellore, ndërsa shumë vende të Lindjes së Mesme e shmangin ndryshimin e orës.
Në Iran e Jordani ky është një ndryshim i bërë së fundmi, kurse Egjipti vendosi ta rikthente në vitin 2023.
Në Afrikë, shumë vende nuk e përdorin, përveç Marokut dhe Ishujve Kanarine që janë pranë, por këto të fundit i përkasin Spanjës.
