Kryeministri britanik Keir Starmer dënoi “shkeljen e egër dhe të paprecedent të hapësirës ajrore polake dhe të NATO-s nga dronët rusë” dhe theksoi mbështetjen e Britanisë së Madhe për Poloninë dhe Ukrainën.
“Sulmi barbar i mëngjesit ndaj Ukrainës dhe shkelja e egër dhe e paprecedent e hapësirës ajrore polake dhe të NATO-s nga dronët rusë është thellësisht shqetësues”, tha sot Starmer në një deklaratë
“Ky ishte një veprim jashtëzakonisht i pakujdesshëm nga Rusia dhe vetëm na kujton mosrespektin e qartë të presidentit Putin për paqen dhe bombardimin e vazhdueshëm që ukrainasit e pafajshëm përjetojnë çdo ditë”, tha ai.
“Kam qenë në kontakt me kryeministrin polak këtë mëngjes për t’i bërë të qartë mbështetjen tonë për Poloninë dhe se do të qëndrojmë të fortë në mbështetje të Ukrainës”, theksoi Starmer.
“Faleminderimet e mia të sinqerta shkojnë tek forcat e NATO-s dhe Polonisë që reaguan shpejt për të mbrojtur aleancën”, shtoi ai. “Me partnerët tanë,dhe përmes udhëheqjes sonë në ‘koalicionin e të vullnetshmëve’ do të vazhdojmë të rrisim presionin ndaj Putinit deri sa të arrihet një paqe e drejtë dhe e qëndrueshme”, përfundoi Starmer
