Prokuroria e Posaçme Kundër Korrupsionit dhe Krimit të Organizuar, ka marrë të pandehur kreun e Komisionit të Prokurimeve Publike, Jonaid Myzyri.
Ai akuzohet për shkelje të barazisë në tendera, të kryer në bashkëpunim.
Nga paraqitja e tij e fundit në SPAK, Myzyri u mor në pyetje për rreth dy orë nga prokurorët e posaçëm. Sakaq, në dalje nga ambientet e Prokurorisë së Posaçme, kreu i KPP nuk dha asnjë koment për gazetarët.
Ende nuk dihet për cilin rast dyshohet që Myzyri të ketë konsumuar veprën penale “Shpërdorimi i detyrës”.
Myzyri, pritet të paraqitet ditën e hënë në SPAK nën shoqërinë e një avokati për të dhënë shpjegime, në cilësinë e personit të pandehur.
