“S’ka alternativë tjetër veç integrimit”, Basha: Sllovenia avokate e Shqipërisë në BE. Ja garancitë që mora nga kryeministri slloven

Kreu i PD-së Lulzim Basha, ka zhvilluar një takim me kryeministrin e Sllovenisë, Janez Jansa.

Basha u shpreh se ka morrë mbështetjen e kryeministrit Janša, vendi i cili merr në 6 muajt e ardhshëm presidencën e Bashkimit Europian, për ta mbështetur me nisjen e bisedimeve për anëtarësim në Bashkimin Europian brenda vitit.

  • foto galeri

Sipas Bashës, për Shqipërinë nuk ka dhe nuk mund të ketë alternativë tjetër veç integrimit në Bashkimin Europian. Ai tha se personalisht e Partia Demokratike janë të vendosur të ndërmarrim çdo vendim dhe hap të nevojshëm.

DEKLARATA NGA LUBJANA  E KRYETARIT TË PD, LULZIM BASHA, PAS TAKIMIT ME KRYEMINISTRIN E SLLOVENISË, JANEZ JANSA

“Sot pata kënaqësinë të takoja në Lubjanë, kryeministrin e Sllovenisë dhe kreun e Presidencës së ardhshme të Bashkimit Europian, Janez Janša.

E njoha mikun tim, kryeministrin slloven me planin tonë për integrimin, angazhimin për të përmbushur të gjitha detyrimet, duke nisur nga lufta pa kompromis kundër korrupsionit dhe krimit të organizuar.

Kam kënaqësinë të ndaj me ju, se mora mbështetjen e kryeministrit Janša, vendi i cili merr në 6 muajt e ardhshëm presidencën e Bashkimit Europian, për të na mbështetur me nisjen e bisedimeve për anëtarësim në Bashkimin Europian brenda vitit.

Për Shqipërinë nuk ka dhe nuk mund të ketë alternativë tjetër veç integrimit në Bashkimin Europian.

Dhe për këtë, Partia Demokratike dhe unë jemi të vendosur të ndërmarrim çdo vendim dhe hap të nevojshëm.

Ramë dakort të koordinojmë veprimet dhe vendimet tona për ta përshpejtuar rrugën europiane të Shqipërisë si interesi më i madh i çdo shqiptari, si destinacioni ynë i vetëm.

Kryeministri Janša më garantoi se Sllovenia do të jetë avokate e fuqishme e Shqipërisë në procesin e anëtarësimit në Bashkimin Europian.

Po kështu, ne biseduam për forcimin e bashkëpunimit ekonomik dhe për të tërhequr dhe nxitur investitorët sllovenë të investojnë në Shqipëri, çka do të ndihmojë për punësimin e mirëqenien e qytetarëve tanë.

Ju faleminderit!”.

- ISLAMSHOP.CH -spot_img

LEXO MË SHUMË

Së fundi