Pas 2 muajsh hetime është identifikuar dhe është shpallur në kërkim një 20-vjeçar në Memaliaj. Ai kishte fshehur armë zjarri në banesën e një të gruaje të moshuar me probleme të shëndetit mendor.
20-vjeçari kishte fshehur dy armë kallashnikov në shtëpinë e së moshuarës, në shërbim të një grupi kriminal.
“Gjatë operacionit të koduar “Parandalimi”, gjenden të fshehura në një banesë dhe sekuestrohen 2 armë zjarri kallashnikov.
Identifikohet dhe shpallet në kërkim 20-vjeçari që dyshohet se kishte fshehur në banesën e një shtetaseje të moshuar me probleme të shëndetit mendor, armët e zjarrit, për llogari të një grupi kriminal”, thuhet në njoftimin e policisë.
