Shqetësuese, 10 raste të dhunës në familje brenda një ditë në Kosovë

Dhuna në familjet kosovare nuk ka të ndalur. Vetëm brenda 24 orëve të fundit në Kosovë kanë ndodhur 10 raste të dhunës në familje.

Dhunë ndaj bashkëshortes, babait, motrës, vëllait, fëmijëve, janë regjistruar nga Policia e Kosovës në disa qytete të ndryshme të vendit.

Ky është raporti i plotë i Policisë së Kosovës përkitazi me dhunën në familje:

Prishtinë 16.07.2021 – 15:00. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht bashkëshorten dhe dy fëmijët e tij. Nuk raportohet për te lënduar, ndërsa me vendim të prokurorit, i dyshuari dërgohet në mbajtje.

Prishtinë 16.07.2021 – 10:30. Është arrestuar i dyshuari mashkull kosovar, pasi që kishte sulmuar me thikë vëllain dhe motrën e tij. Viktimat kanë pranuar tretman mjekësor. Me vendim të prokurorit, i dyshuari është dërguar në mbajtje.

Prishtinë 15.07.2021 – 22:30. Është arrestuar i dyshuari mashkull kosovar, pasi që i njëjti ka ushtuar dhunë ndaj babait të tij viktimës mashkull Kosovar. Me vendim të prokurorit, i dyshuari është dërguar në mbajtje.

Kamenicë 09.07.2021 – 13:00. Më 16.07.2021 është arrestuar i dyshuari mashkull kosovar, pasi që kishte sulmuar fizikisht bashkëshorten e tij viktimën femër kosovare. Me vendim të prokurorit, i dyshuari dërgohet në mbajtje.

Prizren 16.07.2021 – 22:28. Është arrestuar i dyshuari mashkull kosovar, pasi që dyshohet se në vazhdimësi ka ushtruar dhunë ndaj familjarëve të tij. Me vendim të prokurorit, i dyshuari është ndalur në ndalim policor dhe më pas pritet të lirohet.

Prizren 16.07.2021 – 22:30. Raportohet se ka ndodhur një rrahje në mes tre të dyshuarve meshkuj kosovarë Dy nga të dyshuarit janë shoqëruar në stacionin policor, ndërsa i dyshuari tjetër është në arrati. Me vendim të prokurorit, pas intervistimit palët janë liruar dhe rasti shkon në procedurë të rregullt.

Istog 16.07.2021 – 01:00. Është arrestuar i dyshuari mashkull Kosovar, pasi që i njëjti nën ndikim të alkoolit, ka sulmuar dy viktimat motrën dhe vëllain e tij. Si pasoj, viktimat kanë pësuar lëndime trupore dhe kanë pranuar tretman mjekësor. Me vendim të prokurorit, i dyshuari dërgohet në mbajtje.

Mitrovicë Jugu 15.07.2021 – 22:30. Janë arrestuar dy meshkuj kosovarë, pasi dyshohet se kanë sulmuar fizikisht babain e tyre . Viktimës i është ofruar tretman mjekësor në spitalin rajonal. Me urdhër të prokurorit, të dyshuarit pas intervistimit janë liruar në procedurë të rregullt.

Skenderaj 15.07.2021 – 01:30. Viktima femër kosovare ka kërkuar ndihmë mjekësore, pasi që është sulmuar fizikisht nga bashkëshorti i saj i dyshuari mashkull Kosovar. Me vendim të prokurorit, palët janë liruar dhe rasti shkon në procedurë të rregullt.

Mitrovicë veri 15.07.2021 – 22:15. Ankuesja femër kosovare ka raportuar se është sulmuar nga burri i saj, ata ishin duke bashkëjetuar pa kurorë. Viktima së bashku me foshnjën e saj është dërguar në familjen e saj, ndërsa i dyshuari është dërguar tek familja e tij. Është njoftuar edhe mbrojtësi i viktimave, pasi viktima ka kërkuar urdhër mbrojtje. Rasti është duke u hetuar.

- ISLAMSHOP.CH -spot_img

LEXO MË SHUMË

Së fundi