Sot dhe nesër në Shkup zhvillohet takimi i liderëve të Bashkimit Evropian (BE) – Ballkani Perëndimor, kushtuar Planit të Zhvillimit, ku do të marrë pjesë edhe komisionerja e BE-së për Zgjerim, Marta Kos.
Sot pasdite, sipas axhendës, do të mbahet një takim kokë më kokë midis kryeministrit Hristijan Mickoski dhe komisioneres, i ndjekur nga një takim dypalësh me delegacione të zgjeruara.
Të martën do të mbahen dy panele, i pari prej të cilëve do t’i kushtohet Planit të Zhvillimit për Ballkanin Perëndimor, ku kryeministri Mickoski dhe komisionerja Kos do të mbajnë fjalime, të ndjekura nga një konferencë për media.
Paneli i dytë do t’i kushtohet mekanizmave specifike dhe mbështetjes për zbatimin e Planit të Zhvillimit, ku do të marrin pjesë ministra, përfaqësues të BE-së, organizatave rajonale dhe partnerëve ndërkombëtarë.
