Me gjithsej 82.179 të infektuar, SHBA ka tejkaluar Kinën dhe Italinë për t’u bërë vendi me më së shumti raste të konfirmuara me koronavirusin e ri (COVID-19).
Sipas faqes së internetit “Worldometer”, e cila përpilon të dhënat në lidhje me pandeminë, numri i të infektuarve në SHBA është rritur për 12.982 në gjashtë orët e fundit dhe ka shkuar në 82.179, ndërsa ai i të vdekurve në 1.177 me 131 viktima të reja.
Dje numri i rasteve me COVID-19 në SHBA ishte 55.238, ndërsa ai i viktimave 802.
Aktualisht, Kina radhitet e dyta në botë në listën e rasteve, me gjithsej 81.285, dhe Italia e treta me 80.589 raste.
Shteti i New Yorkut mbetet rajoni më i prekur nga virusi në SHBA, me 37.738 raste dhe 385 viktima, ndërsa pas tij vijojnë New Jersey me 6.876 dhe California me 3.829 raste.
