Zëdhënësja e Ministrisë së Punëve të Jashtme të Rusisë, Maria Zakharova ka reaguar për situatën e krizës në Kosovë dhe Metohi.
Autoritetet ruse shprehen se Prishtina po përshkallëzon krizën, ndërsa akuzon Perëndimin se po e çon situatën drejt një konflikti.
“Ne jemi të alarmuar nga përkeqësimi i situatës rreth Kosovës, autoritetet e Prishtinës qëllimisht po përshkallëzojnë sërish tensionet me apo pa mbështetjen e Uashingtonit dhe aleatëve të tij evropianë.
Pa asnjë hap efektiv për t’i dhënë fund provokimeve të shqiptarëve, perëndimorët haptas po e shtyjnë situatën drejt një konflikti të drejtpërdrejtë.
Në këmbim Beogradi tregon një qasje konstruktive bën thirrje për zgjidhjen e çështjeve të reja përmes dialogut dhe zbatimin e marrëveshjeve ekzistuese”, thuhet në njoftim.
