Së paku 1.123 raste të reja të koronavirusit të ri (COVID-19) janë diagnostikuar në Belgjikë, ndërsa 185 persona të infektuar humbën jetën gjatë 24 orëve të fundit, njoftuan sot autoritetet shëndetësore.
Të dhënat e fundit nga Shërbimi Federativ Publik i Shëndetit tregojnë se numri i përgjithshëm i infeksioneve me koronavirus në vend është rritur në 20.814, me 1.632 të vdekur.
Rreth 6.840 pacientë janë duke u trajtuar në spital, ndërsa 3.986 persona janë shëruar nga virusi që nga mesi i marsit.
Shifrat tregojnë gjashtë nga 10 pacientë me koronavirus janë nga rajoni verior i Flandrës.
“Shifrat e javës së kaluar tregojnë një stabilizim. Por është ende herët të thuhet nëse është një pikë kthese në pandeminë”, tha virologu Steven Van Gucht në një konferencë të përditshme për shtyp.
Masat e izolimit mund të zgjaten deri më 3 maj, tha kryeministrja Sophie Wilmes në një video mesazh të dielën në mbrëmje.
Qeveria federale vendosi kufizime të rrepta në jetën publike tre javë më parë.
Masat lejojnë që njerëzit të dalin nga shtëpitë e tyre vetëm për të blerë ushqim dhe ilaçe, për të vizituar një mjek, për të ndihmuar dikë në nevojë ose për të shkuar në punë nëse zyra e shtëpisë nuk është një mundësi për ta.
Vetëm supermarketet dhe farmacitë mund të qëndrojnë të hapura, ndërsa baret dhe restorante mund të ofrojnë vetëm ushqim për marrje-shkuarje.
Qeveria planifikon të lehtësojë masat gradualisht, duke hapur së pari shkollat publike.
