Hapet zyrtarisht për qarkullim me të gjithë sinjalistikën përkatëse rruga Qukës-Qafë Plloçë këtë të premte, 5 shtator.
Në inaugurimin e këtij aksi rrugor tejet të rëndësishëm, janë të pranishëm kryeministri Edi Rama dhe ministrja e Infrastrukturës dhe Energjisë Belinda Balluku.
Ministrja ka ndarë foton më herët nga kjo rrugë ku ka shkruar: Gati gjithçka!
Tanimë, distanca Tiranë-Korçë do të përshkohet për rreth 1 orë e 30 minuta.
Ky projekt përmirëson parametrat e rrugëtimit dhe bën të mundur aksesimin e trafikut, që kalon ndërmjet Korridorit të 8-të nga aksi rrugor Tiranë-Elbasan me pjesën e juglindjes, si dhe shkurtimin e distancave me pikën e kalimit kufitar të Kapshticës, qytetin e Korçës dhe më tej.
Kujtojmë se në vitin 2016 qeveria vendosi ta rikonceptojë projektin e rrugës për shkak të problematikave lidhur me sigurinë rrugore.
